نشاط خَيْرَ أُمَّةٍ

أغراض النشاط:

• يحفظ آية من القرآن الكريم تتحدث عن الأمر بالمعروف والنهي عن المنكر.
• يعدد شرائط الأمر بالمعروف والنهي عن المنكر الأربعة.

مدّة النشاط: 60د

1. الافتتاح

يُفتتح النشاط بتلاوة مباركة من القرآن الكريم.

2. معنى المعروف والمنكر

يسأل القائد المشاركين عن معنى كلمتيّ (المعروف) و(المنكر)، يأخذ بعض الإجابات، ثم يُعقِّب بالتالي:
المعروف:
المعروف هو اسم لكل فعل حسن بنظر العقل والشرع والعرف.
وقد سُمِّي المعروف معروفًا لأنّ الإنسان ذا الفطرة السليمة الطاهرة والصافية غير الملوثة بالإنحراف، يأنس به فيتقبله.
المنكر:
المنكر من الإنكار، أي ما يقابل معنى المعروف، فهو كل ما لا يألفه الطبع السليم للإنسان لقبحه وسوئه. وهو كل قبيح بنظر العقل والشرع والعرف.

3. المعروف والمنكر في القرآن الكريم

بسم الله الرحمن الرحيم
(كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ وَلَوْ آَمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ). صدق الله العليّ العظيم (سورة آل عمران، الآية 110)

- يقسّم القائد الآية الواردة أعلاه إلى أجزاء بحسب عدد المشاركين، ويكتب كل جزء على ورقة منفصلة (بخط واضح وكبير).
- يوزّع الأوراق على المشاركين ويطلب منهم الوقوف بحسب ترتيب أجزاء الآية.
- بعد الانتهاء، يتحقق القائد من وقوف المشاركين بالشكل الصحيح (أي حسب ترتيب الآية)، ويطلب من كل مشارك قراءة الجزء الذي يحمله.
- ثم يردد المشاركون الآية حتى يحفظونها.

4. شرائط وجوب الأمر والنهي

- يتفق القائد مسبقًا مع ثلاثة من المشاركين على تمثيل السكتش الواردفي آخر النشاط.
- يؤدي الممثلون السكتش، ويطلب القائد من بقية المشاركين مراقبة ما يجري.
- بعد الانتهاء يطلب من المشاركين إستنتاج شرائط الأمر بالمعروف والنهي عن المنكر التي وردت في السكتش.
- يأخذ المشاركات ويتوقف عند كلّ إجابة صحيحة ويعقّب عليها مستندًا إلى ما يلي:

عن الإمام الصادق (عليه السلام): "إنما يأمر بالمعروف وينهى عن المنكر من كانت فيه ثلاث خصال: عامل بما يأمر به وتارك لما ينهى عنه، عادل فيما يأمر عادل فيما ينهى، رفيقٌ فيما يأمر رفيقٌ فيما ينهى" .
إن للأمر بالمعروف والنهي عن المنكر، شروطٌ لا بد من توفُّرها ليقوم المكلّف بواجب الأمر والنهي. وهي كما يلي:

الشرط الأول: المعرفة الشرعية والعلم الشرعي.
1. أن يعرف الآمر أو الناهي أن ما تركه الطرف المقابل أو ارتكبه معروف أو منكر.
2. معرفة الآمر أو الناهي بأحكام الأمر بالمعروف والنهي عن المنكر حتى لا يقع في الخطأ أثناء أمره ونهيه.

الشرط الثاني: احتمال التأثير.
ليكون الأمر بالمعروف والنهي عن المنكر أمرٌ واجب لا بد للمكلّف التأكد من مدى تأثير أمره ونهيه في نفس الطرف المقابل. فلو علم أو اطمأن بعدم التأثير فلا يجب عليه أداء تكليفه في هذا المجال. (مثلًا: لو ترك العاصي صلاته فعلمت أنه سيتأثَّر وسيصلي وجب عليك أمره، أما لو علمت أنه لن يتأثر سقط وجوب أمره بالمعروف).

الشرط الثالث: الإصرار على الذنب.
أن يكون العاصي مُصِرًّا على الاستمرار بارتكاب الذَّنب، فلو عُلِمَ منه ترك الاستمرار سقط وجوب الأمر بالمعروف والنهي عن المنكر. والمراد بالاستمرار هو الارتكاب ولو مرّة أخرى. (مثلًا: لو شرب العاصي مسكرًا، وقصد الشرب ثانياً، وجب النهي).

الشرط الرابع: عدم الضرر.
والمقصود به العلم أو الظن بعدم وجود ضرر على نفس أو عرض أو مال يُعْتَدُّ به للآمر بالمعروف أو الناهي عن المنكر أو أحد متعلِّقيه كأقربائه أو أصحابه أو ملازميه ويلحق بهم سائر المؤمنين. (مثلًا: إذا أفطر أحدهم عمدًا في شهر رمضان وكنت تعلم أو تظن أنه لو أمرته بالمعروف ونهيته عن المنكر لن يتقبّل ذلك وسيبادرك بالضرب والشتم، في هذه الحالة لا يتوجب عليك الأمر والنهي).

5. الاختتام
يُختتم النشاط بدعاء الإمام الحجّة (عجل الله فرجه).

سكتش "شرائط الأمر بالمعروف والنهي عن المنكر"

الشخصيات: حسين، مصطفى، محمد.

المشهد الأول:
علي: السلام عليكم.
- حسين: وعليكم السلام (وهو يأكل).
- علي: شو مبين عم تاكل ونحنا بشهر رمضان، ولوّ يا حسين بس على الأقل ما تاكل قدام الناس (اذا ابتليتم بالمعاصي فاستتروا).
- حسين: عمهلك عليي شوي؟! ... (ثم يقاطعه علي ويكمل حديثه)
- علي: عم تفطر من دون سبب؟؟! هيدا افطار عمد بدك تكفر عنو.
- حسين: شو قصتك نازل صريخ، وما سألتني أصلًا ليش أنا مفطر.
- علي: شو بدو يكون السبب يعني؟
- حسين: روق وطمِّن بالك أنا عارف شو عم بعمل، أنا مريض ووضعي ما بيتحمل إني صوم.
- علي: (بصوت عالي وعتب) شو مفكّر هيدا سبب منطقي لتفطر؟ كلنا منمرض بشهر رمضان، لازم نتحمّل مشقة الصيام شوي، ولوّ بطّل فيك تتحمّل؟
- حسين: (بصوت عالي) وليش عم تعيِّط وتحكي معي هيك، أنا سألت الشيخ بالجامع وقلي انو فيي افطر. شو انت بتحلل وبتحرّم عزوقك؟! (ثمّ يحمل عصًا ويهدّد علي بضربه إذا لم يسكت، فيدخل مصطفى ويفصل بينهما، ثم يخرج حسين وهو غاضب).

المشهد الثاني:
- مصطفى: شو قصّتك انت وحسين ليش عم تتخانقوا؟ خير انشالله؟؟
- علي: أنا كنت عم حاول إهدي حسين، بس مش عارف اذا تصرّفت بطريقة صحيحة أو لأ!!
- مصطفى: شو قصتك خبرني.
(ثم يسرد علي لمصطفى الحوار الذي دار بينه وبين حسين).
- مصطفى: الله يسامحك، بس بدك تأمر بالمعروف وتنهى عن المنكر لازم تكون بتعرف الحكم الشرعي الصحيح. المريض بيقدر يفطر بشهر رمضان اذا كان الصيام بسببلو مشقّة وحرج أو اذا كان بدو ياخد دوا. وكمان اذا حسّيت إنو أمرك للمعروف ونهيك عن المنكر بدو يسببلك ضرر ببطل واجب عليك تنهى وتأمر، ما شفتو كيف كان رح يضربك لو ما الله ستر وأنا وصلت؟؟
- علي: والله ما انتبهت، بس أنا حاسس بالذنب.
- مصطفى: يلا حصل خير بس ترجع تشوفوا بعض حلُّو الموضوع بيناتكم حبّيًّا.
- علي: سامحني انشغلنا بموضوع حسين وما سألتك ليش جايي لعندي بالهوقت ما إلك بالعادة!
- مصطفى: صار معي موضوع بيشبه موضوعك بس بطريقة تانية.
- علي: خبرني، شو صار معك؟
- مصطفى: بتعرف جواد؟ رفيقي اللي خبرتك عنو.
- علي: إي عرفتو شو صاير معو؟
- مصطفى: مبارح رحت لعندو عالبيت، وقلت بدعيه عالنشاط اللي رح نعملو نهار الجمعة، بلكي بيتشجع وبينتسب للكشّاف، المهمّ، وصلت لقيتو عم يلعب ورق عالكمبيوتر. من بعد ما استقبلني وقعدنا شوي ما تحمَّلت إلا ما احكي. فقلتلو انو لعب الورق حرام وحتى لو عالكمبيوتر، فما كان يرد عليي وقلي انو هوي من زمان بيلعب ورق ورح يضل يلعب ورق لآخر يوم بحياتو، وقلّي كمان إنو خلّي الجنة لإلك.
- علي: إي وشو عملت؟
- مصطفى: حسّيت إنو ما تأثر وما رح يتأثر وهوي مصر عالذنب. ورحت عند القائد وخبرتو.
- علي: وشو قلك؟
- مصطفى: قلي انو اذا كنت بعرف انو الشخص مُصِرّ عالذنب وما عم يتأثّر بكلامي ما لازم آمره بالمعروف وانهاه عن المنكر.
(ثم يوجه علي كلامه للمشاركين)
- علي: اللي صار معنا لازم يخلينا نتعلم ونفهم شروط الأمر بالمعروف والنهي عن المنكر أكثر. شو هِيِّي هيدي الشروط؟