صلة الأرحام

الافتتاح: يُفتتح النشاط بتلاوة قرآنية وحديث مهدوي.

فقرات النشاط:

• اسكتش تمثيلي:

- مشهد تمثيلي تدور أحداثه بين أحد الأقارب (الخال) وأسرة (الأم والابنة الصغيرة/6-7سنوات).

المشهد:

يظهر القريب (الخال) وهو مشغول في توضيب الهدية التي سيقدمها خلال زيارته للفتاة الصغيرة بسبب مرضها، ويبدو الفرح ظاهراً على وجهه والسرور يملأ قلبه لأنه سيزورهم.
يقصد القريب (الخال) منزل الأسرة، فتهّم الأم باستقباله بالترحيب المفعم بالسرور بهذه الزيارة.

- الخال: شو وين صغيرتنا الطيوبة؟

- الأم تنادي ابنتها: شذى يا شذى، في حدا بدّو يسلّم عليكِ.

(تركض شذى وهي ضاحكة ومسرورة فيسلّم عليها خالها ويقدّم لها الهدية. تفتحها أمامه، فيسألها إن كانت قد أعجبتها).

- شذى: يسلمو يا خالو وكلك ذوق

- الخال: هيدا أقل شي بقدّملك، يا أحلى بنوتة بالدنيا ، وسلامة قلبك من كل شر.

- الأم: ليش معذّب حالك؟ ما نحنا أهل.

- الخال: لو كل عذاب متل هالعذاب، لكانت الدنيا بألف خير، ولو ما نحنا أهل وإسلامنا ورسولنا الأكرم (ص) وأهل البيت (ع) أكّدوا على التواصل وتقديم الهدايا لبعضنا بالأفراح وبالمناسبات، واللي بيقدم هدية لأقربائه إلو أجر عظيم عند الله سبحانه وتعالى، والهدية كمان بتعمل مودة وإلفة ومحبة بين المقدّم للهدية واللي بياخدها ورسولنا الكريم قال" تهادوا تحابوا"، بس قولوا إنتو شو أخباركم، شو عاملين إن شاء الله كل شي تمام؟

- الأم: الحمد لله رب العالمين ، عايشين بالستر والرضا تحت رحمتو.

(وبعد وقت وجيز تنتهي الزيارة بتوديع الخال والحزن بادٍ على وجوه الجميع لأنه سيفارقهم بهذه السرعة).

وبعد ذهاب الخال؛

- يا الله ما أحلى الهدية اللي جابلي إياها خالو، ماما يعني بحبني؟.

- الأم: طبعاً، يا حبيبتي!!

- شذى: وأنا كمان بحبو ولازم زورو.

- الأم: أكيد لأنّو هيدا واجب علينا ولّي بيقطع رحمو الله ما بيحبو، والأنبياء والأئمة (ع) حكوا عن سيئات وعواقب قطع الرحم.

- شذى: ماما فيكي تقولي لي شو هوي عقاب قطع الرحم وسيئاتو؟

- الأم: بالتأكيد؛ أول شي: الله سبحانه وتعالى والرسول (ص) والأئمة (ع) بيزعلوا منو لأنه بيكون عم يعصيهم وما عم ينفذ اللي أمروا فيه بالقرآن الكريم والأحاديث.
ثاني شي: وكمان بيصير ما في حب واحترام بين الأهل والأقارب.
ثالث شي: بيصير الواحد يرتكب ذنوب كتيرة مثل الكذب، الاستهزاء بالآخرين، عدم إطاعة الوالدين والقائد، أذية الجيران والأصدقاء.
رابع شي: الله ما بينزّل رحمتو على الناس اللي في حدا منهم قاطع رحمو.

- شذى: الحمد لله لازم من اليوم ورايح نزور أرحامنا دايماً، ماما ماما صرلنا زمان ما رحنا على بيت جدو!..

• فوائد صلة الرحم:

- يقوم القائد بكتابة الجمل (فوائد صلة الرحم) على شكل كلمات متقاطعة (بازل) ويعطي كل مجموعة جملة وعلى الأشبال/الزهرات ترتيب الأحرف لمعرفة فوائد صلة الرحم.

الجملة الأولى: زيادة الرزق.

الجملة الثانية: طول العمر.

الجملة الثالثة: تدفع البلوى والمصائب.

- يشير القائد أيضاً إلى أن صلة الرحم تيسّر الحساب وتهوّن سكرات الموت.

الاختتام: يُختتم النشاط بدعاء الحجة (عج).